Inspektor telefonyna myń teńge aýdarǵan sottalýshyǵa 481 myń teńge aıyppul salyndy
17:47, 01 Naýryz 2018
ASTANA. QazAqparat - Atyraýda oblystyq Qylmystyq-atqarý júıesi departamenti ınspektorynyń uıaly telefonyna birlik aýdarǵan adamǵa jarty mıllıon teńgege jýyq aıyppul salyndy. Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentinen habarlandy. .
«Atyraý qalasynda oblystyq Qylmystyq-atqarý júıesi departamentiniń aǵa ınspektory F.Muhambetovanyń uıaly telefonyna osy ınspektordyń baqylaýyndaǵy sottalǵan M.Qazıev 1 000 teńge birlik aýdarǵan.
Atalǵan fakti boıynsha Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamenti M.Qazıevke qatysty QR ÁQBtK-niń 676-baby boıynsha (Jeke tulǵalardyń zańsyz materıaldyq syıaqy berýi)ákimshilik hattama toltyryp, sotqa qaraýǵa joldandy.
M.Qazıevke Atyraý qalasynyń mamandandyrylǵan ákimshilik sotynyń qaýlysymen 481 000 teńge ákimshilik aıyppul salyndy.