Innovatsııalyq granttardy usynýǵa negizdelgen ótinimder ónertapqyshtardan 28 shildege deıin qabyldanady
«Bul baǵdarlama 2010 jyldan beri iske asyrylyp keledi. Ótken jyly osy baǵdarlama aıasynda respýblıkalyq bıýdjetten 1,7 mlrd. teńge bólindi. Osy qarjy aıasynda grant túrinde 37 ınnovatsııalyq ótinimge qoldaý jasaldy. Búginde bul grantar boıynsha jumystar júrip jatyr»,-dedi vıtse-mınıstr.
Tájirıbelik-konstrýktorlyq jumystar men táýekeldi zertteýlerdi oryndaýǵa, ınnovatsııalyq jobalardyń tehnıkalyq-ekonomıkalyq daıyndyǵyna, ıntellektýaldyq menshik nysanyn sheteldik memleketter men halyqaralyq patenttik uıymdarda patentteýge baǵyttalǵan.
N. Ábdibekovtyń sózine qaraǵanda, bıylǵy jyly granttyq baǵdarlamany iske asyrýǵa respýblıkalyq bıýdjetten 7,3 mlrd. teńge bólindi. «Qazirgi kezde ótinimderdi qabyldaý sharalary atqarylýda. Granttardy usynýdyń erejesine sáıkes ótinimderdi qabyldaý bir aıǵa jalǵasady. Atap aıtsaq, «Ulttyq ınnovatsııalyq qor» AQ ótinimderdi 28 shildege deıin qabyldaıdy»,-dedi ol.