Innovatsııa avtobýsy eldiń barlyq óńirlerine jol tartady - IJTM

ASTANA.  9 tamyz . QazAqparat - NIF$50K ınnovatsııalyq bıznes-jospardyń respýblıkalyq konkýrsyn uıymdastyrýshylar elimizdiń túkpir-túkpirinen jas ǵalymdardy, erekshe talant ıelerin,  ónertapqyshtardy, bolashaq bıznesmenderdi izdestirýdi bastady. Osyǵan oraı, Astanadan alǵashqy ınnovatsııalyq avtobýs Qostanaı óńirine qaraı jol tartty.

Innovatsııalyq avtobýsty attandyrýdaǵy maqsat - NIF$50K ınnovatsııalyq bıznes-jospardyń respýblıkalyq konkýrsy týraly halyqqa keńinen nasıhattaý, ınnovatorlardy álgindeı ilki qadamǵa qatysýǵa shaqyrý, sondaı-aq qazaqstandyqtardy «Innovatsııalyq forsaj» teleshoýyn tamashalaýǵa qyzyqtyrý arqyly ózderine unaǵan ınnovatorlarǵa, unaǵan jobalaryna daýys berýge shaqyrý.

Bul rette avtobýspen birge saparǵa shyǵyp, el aralaıtyn Indýstrııa jáne jańa tehnologııalar mınıstrligi Tehnologııalyq damý jónindegi agenttiginiń sarapshylary, bıznes-qaýymdastyq ókilderi,  jýrnalıster óńirlerdegi ınnovatsııa avtorlarymen tikeleı júzdesip, jańalyq ashýǵa jany qumar azamattardyń ıdeıalaryn tyńdaıdy, olardyń múmkindikterin saralaýǵa jol ashady. Al kezdesýler barysynda árbir ǵalym ózderiniń ónertabystaryn tanystyrýǵa múmkindik alady. Eń bastysy, atalǵan shara arqyly birinshi ret ınnovatorlar eshqaıda shyqpaı-aq respýblıkalyq konkýrsqa qatysý týraly tapsyrys bere alady. Bul rette ınnovatsııalyq avtobýs ony ózi izdep barady. Sonymen qatar, ónertapqyshtar agenttik tarapynan jasalatyn qural-saımandyq qoldaý, ınnovatsııalyq grant, tehnologııalyq bıznes-ınkýbatsııa baǵdarlamalary boıynsha keńester ala alady.   Óz kezeginde ınnovatsııalyq avtobýstaǵy túsirý toby ónertapqyshtardyń jańalyqtaryn tolyq túsirip, ol kúzde ótetin «Innovatsııalyq forsaj» baǵdarlamasynda kórsetiletin bolady.

Esterińizge sala keteıik, aldaǵy ýaqytta ınnovatsııalyq avtobýs Petropavl, Q, Pavlodar, Óskemen, Taldyqorǵan, Almaty, Taraz, Shymkent, Qyzylorda, Aqtóbe, Oral, Kókshetaý, Atyraý, Aqtaý qalalaryna da jolǵa shyǵatyn bolady. Olardyń saparlyq kesteleri daıyn.