Inklıýzıvti ortalyq, meıkerspeıs pen art kvartal: Pavlodar qalaı ózgeredi

NUR-SULTAN. QazAqparat – Q88 ýrbanıster qaýymdastyǵynyń atqarýshy dırektory Alına Ábdirahmanova Pavlodar qalasynyń balalar men jastarǵa arnalǵan ınfraqurylymyn damytý týraly usynystaryn aıtty, dep habarlaıdy QazAqparat tilshisi.

Aıta keteıik, jyl basynda qalalardy sapaly josparlaý Berekeli bastama platformasynda talqylanatyny jarııalanǵan edi.

Portalda qalanyń ár turǵyny ınfraqurylymdy jaqsartý boıynsha óz usynysyn aıta alady. Baǵdarlamaǵa endi Pavlodar qalasy qosyldy .

«Inklıýzııa boıynsha júrgizgen aýqymdy zertteý aıasynda ıÝNISEF-pen birlesip ázirlegen ınklıýzıvti alań kontseptisin kórsetkimiz keledi. Bul alań ádettegideı mektep jasyndaǵy balalar úshin ǵana emes, jasóspirimderdi de qamtıdy, eresek turǵyndar úshin de qyzyqty bolýy múmkin», - dedi Alına Ábdirahmanova ortalyq kommýnıkatsııalar qyzmetinde ótken baspasóz máslıhatynda.

Sonymen birge, ýrbanıster kreatıvti qala qurýǵa basa nazar aýdarǵan.

Alına Ábdirahmanova jastarǵa demalys oryndary, onyń ishinde meıkerspeıster, kreatıvti ındýstrııa ortalyqtary, mýzeıler men komıýnıtı ortalyqtar qajet dep esepteıdi.

«Bizde dástúrli mýzeıler, kitaphanalar men ýnıversıtetter – keńesten mura bop qalǵan resmı oryndar bar. Biz jastar úshin ıdeıa oılap tabatyn, óz startaptaryn qurýǵa, ózara qarym-qatynas jasaýǵa bolatyn tartymdy ortalyqtar bolǵanyn qalaımyz. Qalalyq is-sharalar ýnıversıtette ótkizilýi múmkin. Biz art kvartal quryp, kitaphanalardy bıznesti qurý, ǵylymdy damytý, tehnologııalyq startaptardy damytý boıynsha álemdik bestsellerlermen tolyqtyrýdy usynamyz», - dedi ýrbanıster qaýymdastyǵynyń atqarýshy dırektory.

Aıta keteıik, jyl basynda qalalardy sapaly josparlaý Berekeli bastama platformasynda talqylanatyny jarııalanǵan edi.

Portalda qalanyń ár turǵyny ınfraqurylymdy jaqsartý boıynsha usynys bere alady.

Jobalardy mamandar ǵylymı turǵyda qarastyryp, eń úzdikteri daýys berý úshin portalda jarııalanady.