Infraqurylymy joq kómir jetkizýshiler naryqtan shyǵarylady

ASTANA. QazAqparat – Otandyq kómir naryǵy boıynsha jol kartasy ázirlendi. Ol boıynsha kómir jetkizýshilerge birneshe talap qoıylyp otyr. Tolyǵyraq Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov baıandap berdi, dep habarlaıdy QazAqparat tilshisi.

«Kómir naryǵynda deldaldar róliniń basymdyǵyn baıqap otyrmyz. Onyń sońy baǵa ósimine alyp keledi. Sonymen qatar óndirýshiler men jetkizýshilerde kómir tasymaly boıynsha problemalar bar. Aıta ketsek, halyqqa kómir jetkizýde vagondardyń azdyǵy máselesi ótkir tur», - dedi Rýstam Ahmetov ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, kómir naryǵynda ázirlengen jol kartasy arqyly kóterme-bólshek jetkizýshilerge qoıylatyn talaptardy belgileý kózdelip otyr.

«Biz naryqtan ınfraqurylymy joq deldaldardy alyp tastaýdy maqsat etip otyrmyz. Taýar bırjalary arqyly kómir ótkizý araqatynasyn rettemekpiz. ıAǵnı kómir jetkizýshiler úshin ony óndirýshi kompanııalardyń shıkizatyna tikeleı qol jetkizý múmkindigi artady. Kómir naryǵynda shoǵyrlanýdy tómendetý jaǵy da qarastyrylyp jatyr. Munda iri kómir ken oryndaryn birlesip paıdalaný jáne kómir óndirý úshin jer qoınaýyn paıdalaný quqyqtaryn berý jónindegi mámilege kelýdi usynamyz», - deıdi ol.

Buǵan deıin básekeni arttyrý úshin elimizde jetekshi áýe kompanııalary birnesheý bolyp bóliný múmkindigi aıtyldy.