Infraqurylym ozyq qarqynmen damýǵa tıis: Oljas Bektenov Astanadaǵy birqatar nysanǵa bardy
Úkimet basshysy «Internatsıonalnyı» turǵyn alabyndaǵy qýaty táýligine 105 myń m3 bolatyn №3 jańa sorǵy-súzgi stantsııasynyń jumysymen tanysty. Onyń iske qosylýy elordanyń aýyzsý qajettiligin tolyǵymen jabýǵa múmkindik berdi.
«Ótken jyly sýmen qamtamasyz etýde problemalar boldy. Memleket basshysynyń tapsyrmasy boıynsha tıisti sharalar qabyldanyp, 2027 jylǵa deıin qajetti qýat qory qalyptastyryldy. Injenerlik ınfraqurylym udaıy ozyq qarqynmen damýǵa tıis. Problemalarǵa jol berilmeýi kerek», — dedi Oljas Bektenov.
Odan bólek Qanysh Sátbaev atyndaǵy kanaldan jáne qýaty táýligine 210 myń m3 bolatyn №4 sorǵy-súzgi stantsııasynan uzyndyǵy 200 km sý qubyryn salý jobalaryn ázirleý bastaldy. Bul elordanyń 2035 jylǵa deıingi qajettilikterin óteıdi.
Sonymen qatar Premer-Mınıstrge Astananyń basqa da tirshilikti qamtamasyz etý júıeleriniń damýy týraly baıandaldy. Úkimettiń qoldaýymen birqatar jańa nysan qurylysy aıaqtaldy. Búgingi tańda 3-shi JEO-nyń birinshi kezegi, sondaı-aq qýaty saǵatyna 1 100 Gkal bolatyn «Turan» jáne «Ońtústik-Shyǵys» eki gaz jylý stantsııasy iske qosylyp, qalanyń jylý berý qýaty 30%-ǵa ulǵaıdy.
Astananyń energııa kózderiniń jalpy qýaty saǵatyna 3,7 myń Gkal-dan asady. Qazirgi jylý berý maýsymynda qalanyń eń joǵary tutyný deńgeıi shamamen saǵatyna 3 myń Gkal-dy qurady. Osylaısha, profıtsıt saǵatyna 700 Gkal-ǵa jetip otyr, bul qalanyń qajettilikterin 2027 jylǵa deıin qamtamasyz etýge múmkindik beredi.
Bul rette 2024 jyly «Turan» gaz jylý stantsııasynyń ekinshi kezegin, «Telman» stantsııasynyń birinshi kezeńin jáne 3-shi JEO-nyń kómir bóligin tolyǵymen aıaqtaý, 2-shi JEO-ny keńeıtý jobasyn bastaý jáne «Ońtústik-Batys» stantsııasyn jobalaýǵa kirisý josparlanyp otyr. Osy jobalardyń barlyǵyn iske asyrý 2035 jylǵa deıin qajetti jylý qoryn tolyq qamtamasyz etýge múmkindik beredi.
Sondaı-aq elordany gazben qamtý jumystary jalǵasýda. Búgingi tańda 13 turǵyn úı alabynda 12,5 myńnan astam abonent kógildir otynǵa qol jetkizdi. Qazirgi ýaqytta qýattylyǵy 460 myń m3/saǵ bolatyn eki avtomattandyrylǵan gaz taratý stansasy jumys isteıdi. Bul rette, jańa energııa kózderiniń iske qosylýyn jáne tutynýdyń ósýin eskere otyryp, bıyl qýaty 350 myń m3/saǵ jańa AGRS-3 qurylysyn bastaý josparlanyp otyr. Jobany aıaqtaý merzimi 2025 jylǵa deıin.
Sonymen qatar Úkimet basshysyna elordanyń elektrmen jáne sýmen jabdyqtaý júıelerin nyǵaıtý jumystary, avtojoldardy kúrdeli jóndeý jáne kárizdik júıelerdi jańǵyrtý josparlary týraly aqparat berildi.
Oljas Bektenov Tóle bı kóshesindegi 2 myń orynǵa arnalǵan jaıly mektep qurylysynyń barysymen tanysty. Atalǵan nysannyń ashylýy osy jyldyń tamyz aıyna josparlanǵan.
Memleket basshysy Qasym-Jomart Toqaevtyń tapsyrmasy boıynsha «Jaıly mektep» ulttyq jobasy júzege asyrylýda. Respýblıkada 2024-2025 jyldary 740 myń oqýshyǵa arnalǵan 369 jaıly mektepti, onyń ishinde bıyl 217 mektepti iske qosý josparlanýda. Olardyń qurylysy biryńǵaı standart boıynsha júrgiziledi. Bul rette aýyldyq jerlerde 163 mektep salynady.
Oljas Bektenov bul jumystarda otandyq óndiristiń qurylys materıaldary men jıhazdaryn belsendi paıdalanýdyń mańyzdylyǵyn atap ótti.
Sondaı-aq Premer-Mınıstr ShYU jelisi boıynsha jáne Dúnıejúzilik kóshpendiler oıyndary aıasynda ótetin is-sharalar kezinde paıdalanylatyn Táýelsizdik saraıy men «Qazanat» ıppodromynyń aýmaǵyndaǵy jóndeý jumystarynyń barysyn tekserdi.