Informatics Asia kompıýterlik jobalar baıqaýynda 450 oqýshy baq synaıdy

<p>Astanada Oqý-aǵartý mınıstrliginiń qoldaýymen Informatics Asia halyqaralyq kompıýterlik jobalar baıqaýy bastaldy. Jarysqa 4 memleketten 184 jobamen 450 oqýshy qatysady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Baıqaýdyń negizgi maqsaty — IT salasynda ǵylymı zertteýge qyzyǵatyn daryndy jastardy anyqtaý, qoldaý jáne damytý, ІT salasyn damytýdyń tıimdi quraly retinde daryndy oqýshylardyń ǵylymı-zertteý áreketine negizdelgen jańa jobalar ázirleý jáne ártúrli elderden oqýshylar men muǵalimderdi tartý arqyly halyqaralyq yntymaqtastyqty nyǵaıtý jáne shyǵarmashylyq tájirıbe almasý.

Jarys aǵylshyn tilinde ótedi.

Foto: Oqý-aǵartý mınıstrligi

Alty baǵyt bar:

— robototehnıka

— FLL Challenge jáne Arduino Hackathon

— kompıýterlik baǵdarlamalaý, kompıýterlik grafıka jáne óner

— qoldanbaly ǵylymı jobalar

— qysqametrajdy fılmder

— qoldanbaly matematıka jobalary.

Aıta ketý kerek, atalmysh bilim báıgesi Qazaqstanda 10 jyldan beri ótkizilip keledi.

Osy ýaqyt ishinde sharaǵa 20 memleketten 5000-ǵa jýyq oqýshy qatysty.

Jarystan úzdik shyqqan júldegerler elimizdiń jáne álemniń bedeldi JOO grantyna ıe bolyp, qazirgi tańda memleketimizdiń ár salasynda vıdeograf, dızaıner, programmıst sııaqty jumystar atqaryp keledi.

Baıqaý 18 jeltoqsan kúni qorytyndylanady.

Baıqaý uıymdastyrýshylary — «Daryn» respýblıkalyq ǵylymı-praktıkalyq ortalyǵy jáne «Bilim-Innovatsııa» halyqaralyq qoǵamdyq qory.