Inflıatsııa 2027-2028 jyldary 5%-ǵa tómendeıdi – Halyqaralyq Valıýta Qory

<p>ASTANA. KAZINFORM &ndash; Qazaqstan Respýblıkasyna arnalǵan mıssııanyń qorytyndysy boıynsha Halyqaralyq Valıýta Qorynyń qorytyndy málimdemesi jarııalandy. Bul týraly QR Ulttyq Bankiniń baspasóz qyzmeti málim etti.&nbsp;</p>

18 qyrkúıek pen 1 qazan aralyǵynda Qazaqstan HVQ Mıssııasyn qabyldady. Sapar qorytyndysy boıynsha qazirgi makroekonomıkalyq ahýalǵa jáne iske asyrylyp jatqan qurylymdyq reformalarǵa, aqsha-kredıt jáne fıskaldyq saıasatqa sholý, sondaı-aq negizgi qorytyndylar men usynymdar qamtylǵan qorytyndy málimdeme jarııalandy.

Mıssııanyń pikirinshe, Qazaqstan ekonomıkasy ornyqty, ınflıatsııa birtindep tómendep keledi, kredıtteýdiń joǵary ósý qarqynyna qaramastan, bank júıesi tutastaı alǵanda turaqty.

2025 jyly ekonomıkany qoldaýǵa arnalǵan bıýdjettik shyǵystar men Teńiz munaı ken ornyn keńeıtý aıasynda ekonomıkalyq ósim jedeldeıdi dep kútilýde. Al, Qazaqstanmen saýda-seriktes elderdiń ekonomıkasyndaǵy ósý kórsetkishiniń yqtımal baıaýlaýy, geosaıası jaǵdaıdyń potentsıaldy shıelenisýi, sondaı-aq shıkizat taýarlary baǵasynyń qubyla túsýi — táýekel faktorlary qatarynda aıtyldy.

«HVQ sarapshylary 2024 jyldyń tamyz aıynda ınflıatsııa tómendegenin atap ótti jáne ol 2024 jyldyń sońyna qaraı 8,3%-ǵa deıin, al 2027-2028 jyldarǵa qaraı 5%-ǵa deıin tómendeıdi dep boljaıdy. Valıýta baǵamynyń ıkemdiligi aıasynda aqsha-kredıt saıasaty tıimdiliginiń arttýy, sondaı-aq 2023 jyldyń aqpan aıynan bastap ishki baǵalardy turaqtandyrǵan bazalyq mólsherlemeni tómendetýge qatysty Qazaqstan Ulttyq Bankiniń baıypty ustanymy — qolaıly faktor retinde ataldy», — delingen bank habarlamasynda. 

Mıssııa qarjy sektoryndaǵy turaqtylyqty arttyrý sharalaryn oń baǵalady. Bul rette HVQ QR bıýdjetiniń Ulttyq qor resýrstaryna shamadan tys táýeldiligine alańdaýshylyq bildiredi. Sarapshylar fıskaldyq shoǵyrlandyrý, ashyqtyq jáne bıýdjettik qaǵıdalarǵa negizdelgen fıskaldyq júıeniń negizderin nyǵaıtý mańyzdylyǵyna den qoıady. Budan basqa, Mıssııa «Ekonomıkany yryqtandyrý sharalary týraly» QR Prezıdentiniń Jarlyǵynda kózdelgen qurylymdyq reformalardy júrgizý mańyzdylyǵyna da toqtalyp ótti.

IV bap boıynsha HVQ mıssııasynyń kelesi sapary 2025 jyldyń mamyrynda ótedi.

Eske sala keteıik, buǵan deıin Ulttyq Bank SHAŃYRAǴYŃYZ SHATTYQQA TOLSYN kollektsııalyq monetalaryn aınalymǵa shyǵaratynyn jazǵan bolatynbyz.