Inflıatsııany esepteýde fıskaldyq chek málimetteri qoldanylady – Ulttyq statıstıka bıýrosy
«Bıýro jumysynyń basym baǵyttarynyń biri – balama derekkózderdi paıdalaný. Bul – fıskaldyq chekter, ıaǵnı kassadan beriletin chektegi málimetter. Birqatar Eýropa eli bul derekkózdi ınflıatsııany esepteý úshin belsendi túrde qoldanyp jatyr. Biz de Qazaqstanda osyndaı jobany iske asyrýǵa kiristik. Halyqaralyq valıýta qorynyń (HVQ) sarapshylary ádisnamalyq kómek kórsetti. Qarjy mınıstrligi óz tarapynan fıskaldyq derekterdi usyndy. Biz olardy muqııat zerttep jatyrmyz. Qazirgi ýaqytta derekterdi «tazartý» jáne belgileý jumystary júrgizilýde. Olardyń negizinde model qurylady. Ol chektegi taýarlardy tutynýshy sebetiniń qurylymyna qaraı jikteýge múmkindik beredi», – ol.
Onyń atap ótýinshe, qazir model negizinde áleýmettik mańyzy bar azyq-túlik taýarlary anyqtalyp jatyr. Odan keıin taýarlar men qyzmetterdiń tizimi kezeń-kezeńmen keńeıtiledi. «Inflıatsııany esepteý kezinde fıskaldyq derekterge tolyq kóshý úshin Taýarlar men qyzmetterdiń biryńǵaı katalogyn engizý qajet. Ol derekterdiń «tazalyǵy» men salystyrmaly bolýyn qamtamasyz etedi. Bul baǵyttaǵy jumys Saýda jáne ıntegratsııa mınıstrligi jáne Qarjy mınıstrligimen birlese júrgizilip jatyr. Bıýro taýarlar men qyzmetterdiń biryńǵaı katalogy engizilgen soń, sondaı-aq Halyqaralyq valıýta qory tarapynan jańa tásil rastalǵannan keıin, baǵalardyń dástúrli túrde tirkeýin fıskaldyq derekterdi paıdalanýǵa aýystyrýdy josparlap otyr. Ázirge biz derekterdi dástúrli ádispen jınaýdy jalǵastyryp, fıskaldy chekter negizinde de eksperımentti esepteýdi júrgizip kelemiz», - dedi Jandos Shaımardanov.
Foto: konturalco.ru