Inflıatsııany eki ese tómendetýdi maqsat etip otyrmyz – Úkimet basshysy

ASTANA. QazAqparat – Premer-Mınıstr Álıhan Smaıylov qazirgi Úkimet quramynyń jumysyna qatysty pikir bildirdi, dep habarlaıdy QazAqparat tilshisi.

«Ótken jyly óte qıyn jaǵdaıda ekonomıkanyń naqty ósimin 3,2%-ǵa qamtamasyz ete aldyq. Táýelsiz reıtıng rastalyp, tipti boljamdy jaqsarttyq. Kúrdeli jáne syrtqy geosaıası jaǵdaılarǵa qaramastan ekonomıkamyz turaqty damı aldy. Inflıatsııalyq ózgerister boldy, bıyl ony eki eseden astamǵa tómendetýdi maqsat etip otyrmyz. Osy maqsatta jumys isteıtin bolamyz», - deıdi Úkimet basshysy saılaýda tańdaýyn jasaǵannan keıin tilshilerdiń saýalyna jaýap bere turyp.

BAQ ókilderiniń jańa Úkimetti basqarýǵa daıynsyz ba? degen saýalyna:

«Biz árqashan elimizdiń ıgiligi úshin jumys isteýge daıynbyz», - dep qysqa jaýap qaıyrdy.

Aıta ketsek, Premer-Mınıstr Álıhan Smaıylov elordadaǵy №111 saılaý ýchaskesinde daýys berdi.