«Indýstrııalyq munaıhımııa ulttyq tehnoparki» jobasynyń qarjylyq-ekonomıkalyq negizdemesine túzetýler engiziledi
Bul týraly búgin Májilistegi «Nur Otan» partııasy fraktsııasy janyndaǵy «Nurly jol» baǵdarlamasy boıynsha Ulttyq qordan bólingen qarajattyń tıimdi jumsalýyn baqylaý jónindegi komıssııanyń otyrysynda málim boldy. Onda «Nurly jol» baǵdarlamasynyń Atyraý oblysyndaǵy «Indýstrııalyq munaıhımııa ulttyq tehnoparki» arnaıy ekonomıkalyq aımaq aýmaǵyndaǵy ındýstrııalyq jobalar men «Qorǵas-Shyǵys qaqpasy» Arnaıy ekonomıkalyq aımaǵyna bólingen qarajattyń tıimdi ıgerilý máselesi talqylanǵan bolatyn.
«Samuryq-Qazyna» Ulttyq ál-aýqat qorynyń Úkimetpen ózara is-qımyl jónindegi Basqarýshy dırektory Nurlan Rahmetovtiń aıtýynsha, «Indýstrııalyq munaıhımııa ulttyq tehnoparki» ınfraqurylym jobasyn júzege asyrýǵa 2014-2018 jyly 215,5 mlrd teńge josparlanǵan. Onyń ishinde respýblıkalyq bıýdjetten 201,9 mlrd teńge jumsalyp, olar negizinen ınfraqurylymdy damytýǵa baǵyttalady. Qalǵan 13,6 mlrd jobany júzege asyratyn operatorlardyń aǵymdaǵy shyǵystaryn quraıdy.
«Infraqurylymnyń qurylysyn júzege asyrý barysynda 1,5 myń jumys orny qurylady. Al AEA jumysqa kiriskende, onda 1000 adam jumys isteıtini kútiledi», - deıdi N. Rahmetov. Onyń aıtýynsha, 2014-2015 jyldary AEA jobasyna 93 mlrd teńge bólingen. Onyń ishinde birinshi transhy 2014 jyly, al ekinshi transhy 2015 jyldyń jeltoqsanynda 68,5 mlrd teńge shamasynda alyndy.
«Qarjylyq-ekonomıkalyq negizdemege sáıkes, bul qarajattardy ıgerý 2015-2018 jyldary kezeń-kezeńimen júzege asyrylatyny josparlanǵan bolatyn. 2015 jyly 21,3 mlrd teńgeni ıgerý kózdelgenimen, negizinen 47,5 mlrd. teńge ıgerildi. Bul ıgerý somasynyń artýy negizinen halyqaralyq merdigerdiń talaptaryna oraı oryn aldy. Biz halyqaralyq kompanııanyń talabyn eskere otyryp, akkredıtıv ashyp berdik. Qazirgi kúni ınvestıtsııalyq jobanyń qarjylyq-ekonomıkalyq negizdemelerin túzetý júrgizilip jatyr. Aıta keterligi, bul túzetý obektıvti sebeptermen, eń birinshi kezekte teńge baǵamynyń ózgerýine qatysty jasalmaq», dedi N. Rahmetov.