Indýstrııalyq-ınnovatsııalyq damý jobalar úshin bilikti kadrlar daıyndaý júıesi qurylatyn bolady - Pm.kz saıty

ASTANA. 12 naýryz. QazAqparat - Tehnıkalyq jáne kásiptik bilim berý júıesin (TjKB) jańǵyrtý jónindegi 2014 jylǵa deıingi jobany iske asyrýdyń aıasynda 147 kásiptik standart ázirlenedi, dep habarlady «Qazaqstandaǵy TjKB júıesin jańǵyrtý» jobasyn basqarý tobynyń dırektory Temirlan Altaev Pm.kz saıtyna. 

«TjKB júıesin jańǵyrtý jobasy boıynsha aldaǵy 2 jylda ekonomıkanyń túrli salasynda 147 kásiptik standart ázirlenetin bolady», - dedi Temirlan Altaev óz sózinde.

Bul iske sheteldik jáne qazaqstandyq sarapshylardyń tartylatynyn atap kórsetken ol, kásiptik standarttardyń Eńbek jáne halyqty áleýmettik qorǵaý mınıstrliginiń saıtyndaǵy tizilimge ashyq ornalastyrylatynyn aıtty. 

Oǵan qosa, ındýstrııalyq-ınnovatsııalyq damý jobalary úshin bilikti kadrlar daıyndaý júıesi qurylatyn bolady. «Ol úshin eńbek ónimdiligi men jumyspen qamtý kórsetkishteri joǵary Eýroodaq elderiniń halyqaralyq tájirıbesi zerttelip otyr», - dep atap kórsetti T.Altaev. 

T.Altaevtyń aıtýynsha, jaqynda QR Eńbek kodeksine engizilgen tolyqtyrýlar kadrlardyń biliktiligin baǵalaýdyń transparentti júıesin jasaýǵa múmkindik beretin bolady.