Indýstrııalyq-ınnovatsııalyq baǵdarlamada óńirlerge negizgi basymdyq berilmek - semınar-keńes

STANA. Aqpannyń 19-y. QazAqparat /Arman Asqarov/ - QR Indýstrııa jáne saýda mınıstrliginde 2010-2014 jyldarǵa arnalǵan Qazaqstannyń údemeli ındýstrııalyq-ınnovatsııalyq damý baǵdarlamasy aıasynda mınıstrlik pen óńirlerdiń ózara is-qımylyn qamtamasyz etý máselelerine arnalǵan respýblıkalyq semınar-keńes ótýde,

dep habarlaıdy QazAqparat.

Elbasy Nursultan Nazarbaevtyń bıylǵy Joldaýynda aıtylǵan maqsat-mindetterdi oryndaý jáne Indýstrııalyq-ınnovatsııalyq baǵdarlamasynyń sapaly júzege asyrylýyn qamtamasyz etý maqsatynda ótip jatqan keńeske baǵdarlamanyń negizgi úılestirýshileri - quziretti memlekettik organdar, oblys ákimderiniń orynbasarlary, qoǵamdyq uıymdar men jaýapty qurylymdardyń ókilderi qatysýda.

Aıta keteıik, 2010-2014 jyldarǵa arnalǵan Qazaqstannyń údemeli ındýstrııalyq-ınnovatsııalyq damý baǵdarlamasyn iske asyrý jumysynda óńirlik qurylymdarǵa negizgi basymdyq berilip otyr. Osyǵan oraı olardyń qyzmeti eńbek ónimdiligin arttyrý, tartylǵan ınvestıtsııalardyń kólemi, shıkizatty emes eksportty ulǵaıtý, ınnovatsııalyq áleýetti ósirý jáne jańa jumys oryndaryn ashý boıynsha baǵalanatyn bolady.