Indýstrııalandyrý Qazaqstanda áleýeti zor brendterdi dúnıege ákeldi
Bul týraly búgin Astanada ÚIIDMB iske asyrýǵa arnalǵan ındýstrııalyq forým aıasynda ashylǵan ındýstrııalyq jobalar kórmesi barysynda «Agromash holdıng» kásipornynyń dırektory Vladımır Sabelfold málim etti.
«Agromash holdıng» Qazaqstan naryǵynda 8 jyl jumys jasap jatyr. Basynda ol aýyl sharýashylyǵy tehnıkalaryn shyǵaratyn kompanııa boldy. Keıingi jyldary óndiriste ártaraptandyrý sharalary ótkizildi jáne zaýyttyń jarty aýmaǵynda búgingi tańda Sang Iong koreı kólikteriniń birneshe modeldik qatary shyǵarylýda. Bul brend endi qazaqstandyq qamtýǵa da óz úlesin qosyp otyr», - deıdi V. Sabelfold.
«Indýstrııalandyrý baǵdarlamasy jańa jumys oryndarynyń qurylýyna, shyǵarylatyn ónimderdiń sapasy men ózindik qunynyń tómendeýine yqpal jasady. Sang Iong koreılik jol talǵamaıtyn kólikterdiń quny qazir ózge naryqtaǵylardan arzanyraq. Bul kólikter eldiń órt sóndirý, medıtsına jáne polıtsııa qyzmetine satyp alynýda», - dep atap kórsetti ol.
Zaýyt basshylyǵynyń aıtýynsha, qazaqstandyqtar koreılik kólikterdi satyp alý úshin uzyn-sonar kezekte tur. «Іshki naryq qanyqqannan keıin ǵana eksportqa shyǵarý jóninde áńgime órbitýge bolady», - V. Sabelfold.
«Búginde «ÝAZ» kompanııasymen birge «Patrıot» kólikterin shyǵarý jobasy qolǵa alynýda. Qazaqstanda tártip pen tynyshtyq bolsa, barlyǵy da bolady», - dep túıindedi sózin kásiporyn dırektory.