Indýstrııalandyrý kartasy nysandarynda 2015 jyly 10 myń turaqty jumys orny ashyldy

ASTANA. QazAqparat - Ótken jyly engizilgen Indýstrııalandyrý kartasy nysandarynda 10 myń turaqty jumys orny quryldy, dep málimdedi búgin eldiń ındýstrıaldy-ınnovatsııalyq saıasaty máselelerine arnalǵan brıfıng barysynda QR IDM Investıtsııalar jónindegi komıtettiń tóraǵasy Erlan Haırov.

Bul týraly primeminister.kz saıty habarlady.

Ol Qazaqstanda ındýstrııalandyrýdyń 6 jylynda paıdalanýǵa 3,8 trln. teńgeniń 900 jobasy berilgenin aıtyp ótti.

«Jalpy, eldegi ındýstrııalandyrýdyń 6 jylynda paıdalanýǵa 3,8 trln teńge somaǵa shamamen 900 joba paıdalanýǵa berildi. 85 myń turaqty jumys orny quryldy», - dedi E.Haırov.

Sonymen qatar, engizilgen nysandarda atalǵan kezeńde 6 trln. teńgeden astam somaǵa, onyń ishinde 2015 jyly - 1,6 trln teńgege ónim shyǵaryldy.

Onyń aıtýynsha, 2015 jyldyń qorytyndysy boıynsha Indýstrııalandyrý kartasy aıasynda 815 mlrd. teńge somaǵa 128 joba engizildi, 10 myń turaqty jumys orny quryldy.

Ol statıstıka málimetteri boıynsha taý óńdeý ónerkásibine 60 paıyzǵa ınvestıtsııanyń tómendeýi, shıkizatty óndirýde 60 paıyzǵa, saýdada 50 paıyzǵa tómendegenin aıtty.

«Eger bir esik jabylatyn bolsa, kelesi esik ashylyp, jańa múmkindik paıda bolady. QR-da munaı ınvestıtsııalyq ónimniń shyǵarylymy 80 paıyzǵa ósti, mashına qurylysy salasyndaǵy ınvestıtsııa 7 esege ósti. Azyq-túlik pen sýsyn shyǵarýda 30 paıyzdyq ósim baıqaldy», - dep basa aıtty E.Haırov.