Indýstrııalandyrý kartasy aıasynda bıyl 600 mlrd. teńgege taǵy 80 joba júzege asyrylady

ASTANA. QazAqparat - Indýstrııalandyrý kartasy aıasynda bıyl 600 mlrd. teńgege taǵy 80 joba júzege asyrylady.

Bul týraly búgin OKQ-da ótken brıfıngte QR Investıtsııa jáne damý mınıstrligi Indýstrıaldy damý jáne ónerkásiptik qaýipsizdik komıtetiniń tóraǵasy Amanııaz Erjanov málim etti.

"Indýstrııalandyrý kartasy ekonomıkamyzdyń damýyna oń serpin berip, birshama jetistikterge qol jetkize aldyq. Azdaǵan túıtkilder keńes zamanynan beri texnologııalaryn jańǵyrtpaǵan eski zaýyttarda baıqalyp otyr. Olarmen jumys jasaıtyn bolamyz. Bıylǵy jyldyń sońyna deıin 600 mlrd. teńgege taǵy 80 joba iske asyrylady dep josparlanýda", - dedi A.Erjanov.

Onyń sózine qaraǵanda, elektr energııasynyń arnaıy tarıfterine muqtaj iri ónerkásip oshaqtarynyń tizimi jasaldy.