Indýstrııalandyrý kartasy aıasynda Astanada 6 jańa óndiristik kásiporyn ashylady (FOTO)

ASTANA. QazAqparat - Indýstrııalandyrý kartasy aıasynda Astanada 2015 jyly 6 jańa óndiristik kásiporyn ashylady. Bul týraly búgin Astana qalalyq ákimdigi men ultyq kompanııalar arasyndaǵy ózara áriptestik týraly memorandýmdarǵa qol qoıý barysynda qala basshysy Ádilbek Jaqsybekov aıtty.

«2014 jyly qalada 19 myń jumys orny ashylǵan bolatyn. Olardyń 13 myń shaǵyn jáne orta bızneske tıesili. Indýstrııalandyrý kartasy aıasynda Astanada barlyǵy 167,8 mlrd. teńgege 22 joba iske asyrylsa, 2015 jyly 6 jańa óndiristik kásiporyn ashylmaq. Sonyń nátıjesinde elordamyzda jańadan 2 myń jumys orny qurylady», - dep atap ótti qala ákimi.

Á. Jaqsybekovtiń aıtýynsha, «Bıznestiń jol kartasy - 2020» memlekettik baǵdarlamasy aıasynda elordada 8 myń jumys ornyn saqtap, oǵan qosa 4 myń jańa jumys ornyn ashýǵa múmkindik týǵan.