Indýstrııalandyrý kartasy aıasynda 680 mlrd. teńgeniń ónimi shyǵaryldy - Á. Isekeshev
Bul týraly búgin Májilistegi Úkimet saǵatynda Indýstrııa jáne jańa tehnologııalar mınıstri Áset Isekeshev málim etti.
«Indýstrııalandyrý kartasy bul ınnovatsııalyq belsendilik esebiniń júıesi bolyp tabylady. Karta jobalarynyń tizbesine údemeli ındýstrııalyq ınnovatsııalyq damý baǵdarlamasyna sáıkes keletin Qazaqstan ekonomıkasy úshin mańyzdy barlyq jobalar engizilgen»,-dedi mınıstr.
Onyń aıtýynsha, qazirgi kúni ındýstrııalandyrý kartasy 11 trln. teńgeni quraıtyn 705 jobadan turady. Jobany salý barysynda 218 myń, paıdalanýǵa berilgen kezde 190 myń jumys orny qurylatyny boljanady.
Sonymen qatar mınıstrliktiń málimetine sáıkes ındýstrııaldandyrý kartasy sheńberinde 2010-2011 jyldary jalpy somasy 1,8 trln. teńgeniń 389 jobasy paıdalanýǵa berilgen. Al, 2011 jyl men 2012 jyldyń birinshi toqsanynda statıstıka agenttiginiń málimetteri boıynsha 680 mlrd. teńgeniń ónimi shyǵaryldy.