Indýstrııalandyrý kartasy: Almatyda 98,5 mlrd teńgeniń 13 jobasy júzege asyrylmaq
14:10, 06 Qazan 2020
ALMATY. QazAqparat - Indýstrııalandyrý kartasy aıasynda bıyl Almatyda 13 joba júzege asady, dep habarlaıdy QazAqparat tilshisi.
QR Indýstrııa jáne ınfraqurylymdyq damý mınıstrliginiń habarlaýynsha, Almaty qalasy ákimdiginiń aqparatyna sáıkes, 2020 jyly mashına jasaý, metallýrgııa, tamaq ónerkásibi, hımııa, jeńil ónerkásip jáne qurylys ındýstrııasy sııaqty salalarda 98,5 mlrd teńgeniń 13 jobasyn júzege asyrý josparlanǵan.
Sonymen qatar, megopolıste 2025 jylǵa deıin 17 joba iske qosylady.
Mınıstrlikte atap ótkendeı, jobalar týraly tolyq aqparatty úshinshi tulǵalarǵa jobaǵa ótinish berýshilerdiń kelisiminsiz berýge bolmaıdy.