Indýstrııalandyrý kartasy: 250 mlrd teńgeniń jobasy júzege asyryldy - Málik Myrzalın
Bul týraly Memleket basshysynyń "Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy talqylanǵan oblys aktıvinde Aqmola oblysynyń əkimi Məlik Myrzalın atap ótti, dep habarlaıdy QazAqparat tilshisi.
Aımaq basshysynyń sózinshe, Joldaýdyń basty ıdeıasy damý sapasyn álemdik standarttar deńgeıine kóterýge baǵyttalǵan. Jańa ekonomıkalyq saıasattyń basymdyqtary ekonomıkanyń barlyq salalarynyń tıimdiligin arttyrýdy qamtamasyz etetin tsıfrlandyrý úrdisin keńeıtýdi kózdeıdi.
"Joldaýda alǵa qoıylǵan Prezıdenttik tapsyrmalardyń barlyǵy da ózektiligimen erekshelenedi. Bizdiń oblysymyzda Indýstrııalandyrý baǵdarlamasy nátıjeli túrde iske asyrylýda. Baǵdarlama aıasynda jalpy quny 250 mıllıard teńgeden asatyn 79 joba júzege asyryldy. Osy ýaqyt aralyǵynda 8 myń jańa jumys orny quryldy. Qolǵa alynǵan jobalardyń barlyǵy óńdeý kásiporyndaryn damytýǵa baǵyttalsa, mundaǵy 41 joba joǵary qosymsha qunǵa negizdelgen ónimder, 26 joba eksporttyq maqsattaǵy taýarlar shyǵarýdy qamtamasyz etti", - dedi aımaq basshysy óz sózinde.
Sonymen qatar, ol Indýstrııalandyrý Kartasy sheńberinde iske qosylǵan nysandardan bıýdjetke 35 mıllıard teńgeden astam qarjy quıylǵanyn atap ótti. Bul salyq aýdarymdarynyń jalpy kóleminiń úshten birin quraıdy.
"Ónerkásip óndirisi qurylymynda oblys top jaryp keledi. Atap aıtqanda, respýblıka boıynsha qaıta óńdeý salasynyń úlesi 40 paıyz bolsa, bul kórsetkish oblysta eki ese ósip, 80 paıyzǵa jetti.
Bizdiń aldymyzda ónerkásip óndirisin odan ári jańǵyrtý, tsıfrlyq tehnologııany qoldaný jáne 2018 jylǵa josparlanǵan ınvestıtsııalyq jobalardy júzege asyrý mindetteri tur. Bul oraıda kásipkerlik jáne ónerkásip basqarmasy, aımaqtardyń ákimderi ónimdi qaıta óńdeý sektory men eksportqa baǵyttalǵan óndiristi odan ári damytýdy qamtamasyz etýi qajet", * dedi Myrzalın.