Indýstrııalandyrý: Bıyl 160 joba iske asyp, 17 myń jumys orny ashylady
Bıyl Indýstrııalandyrý kartasy aıasynda taý-ken metallýrgııa kesheni, qurylys ındýstrııasy, hımııa ónerkásibi, mashına jasaý, munaı-gaz hımııasy, munaı óńdeý, farmatsevtıka, agroónerkásiptik keshen, azyq-túlik óndirisi salalarynda 1,1 trln teńgege 160 jobany iske asyryp, 17 myńnan astam turaqty jumys ornyn ashý josparlanǵan .
Jobalardyń basym bóligi Almaty (33 joba) jáne Aqtóbe (20 joba) oblystarynda iske asyrylady. Qarjylandyrý kólemi boıynsha Qaraǵandy (256,4 mlrd teńge) jáne Almaty (230,2 mlrd teńge) oblystary kósh bastap tur.
Otandyq kásipkerler bastamashy bolǵan barlyq joba bankterdiń menshikti jáne kredıttik resýrstary esebinen júzege asyrylady.
Koronavırýsqa qarsy sharalar ekonomıkalyq belsendiliktiń, onyń ishinde iskerlik jáne ınvestıtsııalyq belsendiliktiń tómendeýine, tutynýshylyq jáne ınvestıtsııalyq suranystyń qysqarýynaalyp keldi. Bıznestiń utqyrlyǵy shekteldi. Bul shıkizat pen jınaqtaýyshtardy jetkizýdegi problemalarmen birge óndiristik belsendilikti de tómendetedi.
Osyǵan qaramastan QR Prezıdenti janyndaǵy tótenshe jaǵdaı rejımin qamtamasyz etý jónindegi memlekettik komıssııanyń 13 sáýirdegi sheshimimen qatań sanıtarlyq-epıdemıologııalyq sharalar saqtalǵan jaǵdaıda kásipkerlik sýbektileriniń jumysyn kezeń-kezeńimen jandandyrý qyzmetkerlerdiń jumys ornyndaǵy qashyqtyǵyn saqtaı otyryp júzege asyrylady.
Osyǵan oraı jobalar 2020 jyldyń ІІ jartyjyldyǵynda iske qosylady dep josparlanǵan.