Indýstrııalandyrý baǵdarlamasyn júzege asyrý aıasynda biz kóshi-qon saıasatyn tıimdi sheshýimiz qajet - Elbasy
15:39, 12 Naýryz 2010
/Ernur Aqanbaı/ - Údemeli ındýstrııalyq-ınnovatsııalyq damý baǵdarlamasyn júzege asyrý aıasynda biz kóshi-qon saıasatyn tıimdi sheshýimiz qajet.
Bul týraly búgin Aqordada Úkimet músheleriniń jáne ákimderdiń qatysýymen ótken ındýstrııalyq damýǵa qatysty keńeste Elbasy Nursultan Nazarbaev aıtty, dep habarlaıdy QazAqparat.
«Indýstrııalandyrý árqashanda mıgratsııalyq aǵymdardyń ósimine ákeledi. Bizge kóshi-qon saıasaty qajet. Eger jalpy respýblıkany alyp qarasaq, Soltústik Qazaqstan, Aqmola, Qostanaı oblystarynda turǵyndar sany azaıyp keledi. Ońtústikte, kerisinshe, halyqtyń sany kóbeıýde. Sondyqtan da oralmandardy elimizdiń óńirlerine ornalastyrý máselesin durys sheshý qajet», dedi keńeste N. Nazarbaev.
Prezıdenttiń aıtýynsha, oralmandardyń 60 paıyzy halyq tyǵyz qonystanǵan óńirlerde turyp jatyr. Al, soltústiktegi birqatar óńirlerde halyqtyń sany azaıyp barady.