Indýstrııalandyrý baǵdarlamasy Óskemen turǵyndaryn 7 myń jumys ornymen qamtamasyz etedi

ÓSKEMEN. QazAqparat - Indýstrııalyq-ınnovatsııalyq damý memlekettik baǵdarlamasy dıversıfıkatsııa men onyń básekege qabilettiligin arttyrý arqyly ekonomıkanyń turaqty ári teńgerimdi ósýine baǵyttalǵan.

Eki besjyldyq kezeńiniń ishinde jumyspen qamtylǵan óskemendikter sany 7000 adamǵa jetken, dep habarlaıdy «QazAqparat» HAA tilshisi óńirdiń aqparat ortalyǵyna silteme jasap.

Óńirde memlekettik baǵdarlamanyń kómegimen jańa jumys oryndary ashylyp, iske qosylýda. Mysaly, alǵashqy besjyldyqta IID MB (2010-2014 jyldary) Óskemende 18 ınvestıtsııalyq joba, sonyń ishinde 164,6 mlrd. teńgelik 10 joba júzege asty. Bul óndiris oblys ortalyǵynda 2500 jumys orynmen qamtamasyz etti.

Indýstrııalyq-ınnovatsııalyq damý memlekettik baǵdarlamasynyń ekinshi besjyldyǵynda Óskemende iske qosylyp jatqan 11 joba júzege asýda. Jalpy somasy 127 mlrd. teńge bolatyn «Azııa-Avto Qazaqstan» AQ, «Melıssa» JShS, «Óskemen tehnologııalyq jabdyqtar zaýyty» AQ, «Óskemen kondensator zaýyty» AQ, «Balým KazServıs» JShS, «Óskemen TMK» AQ.

2015-2019 jyldardaǵy jobalar iske qosylsa Óskemende 4500 jumys orny qurylady. Óskemende bul maqsatty júzege asyrýǵa múmkindik beretin qajetti dúnıelerdiń barlyǵy jeterlik: tabıǵı baılyqtar, ındýstrıaldy baza, bilim alý men biliktilikti jetildirýge umtylatyn adamdar.