Indýstrııalandyrý baǵdarlamasy - ekonomıkany jańǵyrtýdyń bas baǵdary

ASTANA. 30 qańtar. QazAqparat - Memleket basshysy Nursultan Nazarbaev Qazaqstan halqyna Joldaýynda shıkizat resýrstarynyń joǵary bólinisti salasy men osy bólinisterge qyzmet kórsetetin ınfraqurylymdarda jańa aýqymdy jobalardyń qolǵa alynatynyn málim etti,

dep habarlaıdy pm.kz saıty.

«Indýstrııalyq-ınnovatsııalyq damý sheńberindegi jobalardyń áleýmettik mańyzy sheksiz.Bul baǵdarlama ekonomıkany jańǵyrtýdyń basty baǵdary bolyp qala beredi. Barlyq memlekettik organdar bul jumysty ózderiniń negizgi qyzmeti dep esepteýi tıis»,- dep málim etti Elbasy Nursultan Nazarbaev.

Ońtústik óńirlerdegi energııa tapshylyǵy problemasyn sheshý úshin Úkimetke ústimizdegi jyly Balqash JES-ynyń birinshi modýliniń qurylysyn bastaýdy qamtamasyz etý tapsyryldy.

Sondaı-aq budan basqa da birqatar jańa jobalar anyqtaldy, olardyń qatarynda Jezqazǵan - Beıneý jáne Arqalyq - Shubarkól eki temir jol jelisiniń qurylysy, Jambyl oblysynda keshendi mıneraldy tyńaıtqyshtar óndirisin qurý jónindegi joba, Atyraý munaı óńdeý zaýytyndaǵy quny munaıdy tereń óńdeý keshenin qurýdy qamtamasyz etý jobasy, Qarashyǵanaq ken ornyndaǵy gaz óńdeý zaýytynyń jobasy bar.

Oǵan qosa, Prezıdent Qazaqstan ekonomıkasynyń aldyńǵy qatarly klasterlerin qurýdy jáne ári qaraı damytýdy mindettedi.