Indýstrııalandyrý baǵdarlamasy boıynsha «Samuryq-Qazyna» qorynyń quny 20 mlrd. dollardy quraıtyn 26 jobasy júzege asady

A. Qańtardyń 23-i. QazAqparat /Qanat Mámetqazyuly/ -Aǵymdaǵy jyly qańtardyń 1-inen bastap júzege asa bastaǵan Indýstrııalandyrý baǵdarlamasyna «Samuryq-Qazyna» Ulttyq ál-aýqat qorynyń quny 20 mlrd. dollardy quraıtyn 26 jobasy kiredi.

Bul týraly QazAqparat Qordyń baspasóz qyzmetine silteme jasap habarlaıdy.

Indýstrııalandyrý jobalaryna qarasty 2 joba 2009 jyly júzege asqan. Al jalpy quny 109 mln. AQSh dollaryn quraıtyn 4 joba 2010 jyly aıaqtalady dep kútilýde. Budan basqa, 2010 jyly 18 jobanyń qurylysy bastalsa, 2 jobanyń qurylysy 2010 jyldan keıin qolǵa alandy.

Sonymen birge, 2010 jyly «Qazaqstan Damý banki» («Samuryq-Qazynanyń» enshiles kompanııasy) strategııalyq ınvestıtsııalyq jobalar tizimine engizilmegen 10 jobany paıdalanýǵa beredi dep kútilýde. Jalpy, «Samuryq-Qazyna» qory Qazaqstan ekonomıkasynyń munaı-gaz, hımııa, munaı-hımııa, kólik, energetıka, metallýrgııa, farmatsevtıka, atom ónerkásibi sekildi strategııalyq salalardaǵy ınvestıtsııalyq jobalardy júzege asyratyn operator bolyp tabylady. Osy rette, Qorǵa kiretin top taýar, jumys, qyzmet túrlerin qazaqstandyq jabdyqtaýshylardan satyp alý arqyly qazaqstandyq óndiristi qoldaý boıynsha keshendi is-sharalar júrgizip otyr. Atap aıtqanda, 2009 jyly bundaı satyp alý jospary 1 trln. 956 mlrd. teńgeni qurady.