Indýstrııalandyrý baǵdarlamasy aıasynda jyl basynan beri 34 joba júzege asty
Sonyń ishinde 34 joba 2013 jyldyń birinshi jartyjyldyǵynda júzege asyp otyr. Bul týraly búgin QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshevtiń qatysýymen ótken vedomstvonyń alqa májilisinde málim boldy. Eske salsaq, alqada aǵymdaǵy І jartyjyldyq qorytyndylary talqylanyp, aldaǵy mindetter saralanǵan bolatyn.
«Jalpy, ónerkásiptik óndiris qarqynynyń ósýine Údemeli ındýstrııalyq-ınnovatsııalyq damý baǵdarlamasy tóńiregindegi iri ındýstrııalyq jáne ınfraqurylym jobalary jaǵymdy yqpal etti. Indýstrııalandyrý kartasy jańartylǵannan keıin, jobalardyń sany 872 deıin kóbeıdi», - delingen baspasóz baıanynda. Mınıstrliktiń málimetine qaraǵanda, ótken alty aıda ındýstrııalandyrý baǵdarlamasy aıasynda 34 joba júzege asqan. Olardyń ishinde, Aqsý GRES-niń № 6 blogy, Atyraý qalasyndaǵy Qubyr armatýrasyn shyǵarý zaýyty, Taraz qalasyndaǵy qýaty 600 myń tonna Kúkirt qyshqyly zaýyty sekildi nysandar bar.
Jalpy, jyl sońyna deıin baǵdarlama aıasynda qosymsha 112 jobany iske qosý josparlanǵan. Atap aıtqanda, bıylǵy jyly Aqtóbe qalasyndaǵy ferroqorytpa zaýyty, Tıtan slıabtaryn óndirý zaýyty, Qostanaıdaǵy prokat zaýyty jáne Astana qalasynda affınaj zaýytyn iske qosý kózdelip otyr.