Indýstrııalandyrý baǵdarlamasy aıasynda 400-ge jýyq jańa óndiris ashylyp, 90 myńǵa jýyq jumys orny paıda boldy - Á. Isekeshev
Sonyń arqasynda 90 myńǵa jýyq jumys oryndary ashyldy. Bul týraly búgin Májilistegi Úkimet saǵatynda Indýstrııa jáne jańa tehnologııalar mınıstri Áset Isekeshev málim etti.
Mınıstrdiń aıtýynsha, ótken 2 jylda elimizdiń ındýstrııalyq damýyna qajetti barlyq zańnamalar qamtyldy. Sonyń arqasynda jospardy júzege asyrýǵa qajetti barlyq múmkindikter qarastyryldy.
«5 jylǵa arnalǵan Prezıdenttik baǵdarlamalardyń birqatar ındıkatorlary merziminen buryn oryndalyp jatyr. Máselen, boljamǵa saı 2015 jylǵa qaraı jalpy ishki ónim 2008 jylmen salystyrǵanda 7 trln. teńgege deıin ósý kerek bolatyn. Biraq ótken jyldyń ózinde atalǵan kórsetkish asyra oryndaldy, bul 11,2 trln. teńgege artyp, 27,3 trln. teńgeni qurady. Jalpy, ındýstrııalyq baǵdarlama ındıkatorlarynyń oryndalýy 2 jylda 88 paıyzdan asty»,-dedi mınıstr.
Onyń aıtýynsha, ótken 2 jylda 400-ge jýyq jańa óndiris iske qosylyp, 90 jýyq turaqty jáne ýaqytsha jumys oryndary ashyldy. Shıkizat emes daıyn ónimder shyǵarýǵa baǵyttalǵan óndirister arqasynda JІÓ óńdeýshi ónerkásip úlesi 11,4 paıyzdy qurady. Jańa zaýyttar 4 mlrd. dollardyń ónimin shyǵardy.