Indýstrııalandyrý: Astana ákimdigi birqatar memorandýmǵa qol qoıdy

ASTANA. QazAqparat - Astana ákimi Áset Isekeshevtiń qatysýymen ınvestıtsııa kólemi 100 mlrd teńgeni quraıtyn birqatar memorandýmdar men kelisimderge qol qoıyldy, dep habarlaıdy elora ákimdiginiń medıa ortalyǵy.

Atap aıtqanda, Astana qalasynda daıyn dári-dármekter men farmatsevtıkalyq zattardy óndirýge arnalǵan óndiristik keshen qurylysy jobasyn júzege asyrý úshin  «Astana Farm bıosıntezıs» JShS-men kelisim 500 jumys ornymen qamtamasyz etedi dep josparlanǵan.

Astana qalasynyń ınvestıtsııalyq damý basqarmasynyń basshysy Álisher  «KAZMEDPRIBOR Holding» JShS-men medıtsınalyq jabdyqtardy shyǵarý zaýytyn salý jobasy qosymsha 200 jumys ornyn ashady dep kózdelip otyr.

Sondaı-aq dárilik zattardy óndirý boıynsha jobany júzege asyrý úshin «Eira Med» JShS-men jáne serpimdi tıtan ımplanttaryn óndirý zaýytyn salý jobasyn júzege asyrý úshin «Novye ınjınırıngovye tehnologıı KZ» JShS-men kelisim jasaldy.

Jalpy, 2018 jyly iske asyrýǵa josparlanǵan jobalar qatarynda Astana qalasynda daıyn dári-dármekter men farmatsevtıkalyq preparattardy óndirý boıynsha óndiristik keshen qurylysy jobasy bar. Osy joba boıynsha Astana qalasy ákimi men  «ERG S.a.r.l.» kompanııasynyń dırektorlar keńesiniń tóraǵasy arasynda birlesken qujat/memorandýmǵa qol qoıyldy. Joba GMP standartynyń qazirgi zamanǵy halyqaralyq talaptaryna sáıkes keletin, ishki naryqta da, EEO jáne EO elderinde de usynysqa ıe bolatyn ónimderdi óndiretin, Qazaqstannyń farmatsevtıka ónerkásibinde jańa joǵary tehnologııalyq óndiristik keshendi qurýdy kózdeıdi. Investıtsııalardyń kólemi 90 mlrd. teńgeden asady.

Jalpy alǵanda, ınnovatsııalyq sheshimderdi qoldana otyryp birlesken jobalardy iske asyrý, bolashaqta otandyq farmatsevtıka deńgeıin álemdik deńgeıge kóteretin jáne sheteldik dári-dármekter óndirýshilermen tabysty básekelesýge múmkindik beretin, Astana qalasynda farmatsevtıkalyq jáne medıtsınalyq ónerkásip klasterin qurýǵa múmkindik beredi. 

Sondaı-aq, ınnovatsııa salasyn damytý maqsatynda kelesi ekijaqty qujattarǵa:

-  Astana qalasyndaǵy Smart jobalary men NIBIoT jáne LPWAN tehnologııalary Internet jelisi (IoT) salasynda Smart City jobasynyń aıasynda «Nokia Networks Kazakhstan» kompanııasymen;

-  Intellektýaldy úı tehnologııasyn birlese synaqtan ótkizý boıynshan BI Group kompanııasymen qol qoıyldy.

Salaýatty ómir saltyn nasıhattaý jáne sport ındýstrııasyn damytý maqsatynda Astana qalasynda «10» fıtnes-ortalyqtar salý boıynsha ınvestıtsııalyq jobany iske asyrý úshin «Bar-klýb tretıı taım» JShS-men memorandýmǵa qol qoıyldy.