Indýstrııalandyrý 4.0: QR Prezıdenti ındýstrııalandyrýdyń úshinshi besjyldyǵyn ázirleýdi tapsyrdy

ASTANA. QazAqparat - Qazaqstan Prezıdenti Nursultan Nazarbaev búgingi Qazaqstan halqyna Joldaýynda ındýstrııalandyrýdyń úshinshi besjyldyǵyn ázirleýdi tapsyrdy. Eske salaıyq, bıylǵy Elbasy Joldaýy  «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» dep ataldy.

Memleket basshysynyń Joldaýynda Indýstrııalandyrý 4.0 jańa tehnologııalyq qalyptyń barlyq múmkindikterin paıdalana otyryp, meılinshe ınnovatsııalyq sıpatqa ıe bolýǵa tıis ekeni atalyp ótilgen.

«2018 jyly «tsıfrlyq dáýir» ónerkásibin qalyptastyrýǵa arnalǵan ındýstrııalandyrýdyń úshinshi besjyldyǵyn ázirleýge kirisý kerek.... Elimizdiń birneshe ónerkásiptik kásipornyn tsıfrlandyrý jónindegi pılottyq jobany iske asyryp, bul tájirıbeni keńinen taratý kerek», - delingen Elbasy Joldaýynda.

Sondaı-aq, QR Prezıdenti elimizdiń birneshe ónerkásiptik kásipornyn tsıfrlandyrý jónindegi pılottyq jobany iske asyryp, bul tájirıbeni keńinen taratý kerek ekendigin atap ótti. Tsıfrlyq jáne basqa da ınnovatsııalyq sheshimderdi ázirleýshilerdiń óz ekojúıesin damytýy asa mańyzdy máselege aınalyp kele jatqanyn aıtty.

«Ol bizdiń Nazarbaev Ýnıversıteti, «Astana» halyqaralyq qarjy ortalyǵy, IT-startaptardyń halyqaralyq tehnoparki sııaqty ınnovatsııalyq ortalyqtardyń tóńireginde qalyptasýǵa tıis. «Alataý» ınnovatsııalyq tehnologııalar parkiniń qyzmetin uıymdastyrýdy túbegeıli qaıta qaraý qajet. Naqty sektordyń jańa tehnologııalarǵa degen suranysty yntalandyrýy jáne venchýrlyq qarjylandyrýdyń jeke naryǵynyń qyzmeti ınnovatsııalyq ekojúıe jetistikteriniń negizgi faktorlary bolyp sanalady» delingen Joldaýda.