Indýstrııa jáne jańa tehnologııalar vıtse-mınıstri: Innovatsııalyq jobalarǵa granttar jyl boıy beriletin bolady
Bul týraly búgin Almatyda ótip jatqan «InvestorDay'13» startaptar men ınvestorlardyń ІІ Halyqaralyq konferentsııasynda aıtyldy.
Konferentsııaǵa beıne-baılanys arqyly qosylǵan QR Indýstrııa jáne jańa tehnologııalar vıtse-mnıstri Qanysh Tileýshınniń aıtýynsha, granttar bólýge ınnovatsııalyq jobalardy qabyldaý endi jyl boıy júrgiziledi jáne olar 9 baǵyt boıynsha beriletin bolady. Qazir ınnovatsııalyq granttyq jobalar baıqaýynyń elektrondyq úlgidegi tetikteri jasalýda. Onda jobalardy usynýdan keıingi úderisterdi ǵalamtor jelisi arqyly baqylap otyrýǵa jaǵdaı týǵyzylady.
«Tehnologııalardy transfertteý ortalyǵyn qurý ústindemiz. Birge jumys isteıtin áleýetti seriktester anyqtaldy. Mınıstrlik sondaı-aq, jeke venchýrlyq qor qurady. Qor arqyly álemdegi úzdik tehnologııalarǵa qol jetkizip, olardyń transfertin júzege asyrý úshin jeke ınvestorlar qarjysyn jınap, álemdegi úzdik ázirlenimderge baǵyttaıtyn bolamyz», - dedi Q.Tileýshın.