Indýstrııa mınıstrligi Almatydaǵy jańa ǵımarattardyń bıiktigin shekteý týraly bastamany qoldady
08:57, 02 Sáýir 2022
NUR-SULTAN. QazAqparat - Indýstrııa jáne ınfraqurylymdyq damý mınıstrligi jańa ǵımarattardyń bıiktigin shekteý týraly Almaty ákimdiginiń bastamasyn qoldaıdy, dep habarlaıdy QazAqparat.
«Almaty qalasynyń qurylys saıasatyndaǵy ózgeristerge jáne Abaı dańǵylynyń ońtústigindegi aýmaqta josparlanǵan kóp páterli turǵyn úı keshenderiniń bıiktigin shekteý týraly qala ákimdigi taratqan habarlamalarǵa baılanysty mınıstrlik shuǵyl túrde jaǵdaıdyń sebepterin taldaý boıynsha jumys júrgizýde. Qazirgi ýaqytta jergilikti atqarýshy organmen qabyldanǵan sheshimniń sebepterin túsindiretin qajetti aqparat berý týraly ýaǵdalastyqqa qol jetkizildi», – delingen mınıstrlik habarlamasynda.
Habarlamada vedomstvo jergilikti atqarýshy organnyń is-áreketterine suratylǵan aqparattyń túsýine qaraı quqyqtyq baǵa berip, sondaı-aq tıisti sheshim qabyldanǵany týraly atap ótilgen.
Sonymen qatar Indýstrııa jáne ınfraqurylymdyq damý mınıstrligi ákimdiktiń bastamasyn qoldaıtynyn aıtty. Óıtkeni engizilgen shekteý nátıjesinde megapolıstiń qurylys tyǵyzdyǵy, oqshaýlanýy men jeldetilýin odan ári buzýǵa jol berilmeıdi.