Indýstrııa mınıstri ýtıl alym boıynsha pikir bildirdi

NUR-SULTAN. QazAqparat - QR Indýstrııa jáne ınfraqurylymdyq damý mınıstri Beıbit Atamqulov avtokólikke arnalǵan ýtıl alym boıynsha ádistemeni qaıta qaraýǵa qatysty pikir bildirdi, dep habarlaıdy QazAqparat tilshisi.

Ýtıl alymnyń normalary 2015 jyly qabyldanǵanyna toqtalǵan mınıstr, sodan beri onyń erejeleri qarastyrylmaǵanyn aıtty. Qazirgi kezde bul másele óte ózekti bolyp tur jáne áleýmettik jelilerde de kóterilip jatyr.

«Bul másele belsendi túrde kóterilip jatyr. 2015 jyly qamtylǵan esepteý ádistemesin qaraý kerek. Osy ýaqyt ishinde valıýta baǵamynyń aıyrmashylyǵy da, devalvatsııalyq protsester de boldy. Búginde ýtıl alymynyń parametrleri áli de ózgermedi», - dedi B. Atamqulov Parlament Májilisinde tilshilerdiń saýalyna jaýap bere otyryp.

Onyń paıymynsha, ýtıl alymy óz naryǵymyzdy qorǵaý men mashına jasaýdy damytý úshin kerek.

«Qazirgi kezde túrli pikirler aıtylyp jatyr. Ýaqyt óte kele, munaı men shıkizat kólemi sarqylatyny túsinikti. Shıkizatty satyp, jańa jumys oryndary men joǵary tehnologııalyq oryndardy qurmastan, ımport ónimderdi ala berip júre almaımyz. Osy oraıda qaıta óńdeýge mán berýimiz kerek. Munyń barlyǵy alǵashqy qadamnan bastalady», - dedi B. Atamqulov.