Indýstrııa mınıstri qurylys materıaldary baǵasynyń aýytqýyn boldyrmaıtyn qadamdardy atady

NUR-SULTAN. QazAqparat – Búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov qurylys salasynda kelesi jyly ashylatyn jańa óndirister týraly aıtty, dep habarlaıdy QazAqparat tilshisi.

2022 jyly birqatar jańa óndiris ashylady. Olardyń ishinde mynalardy atap ótýge bolady:

- «Orient Ceramic» jaýapkershiligi shekteýli seriktestiginiń iri kólemdi keramıka plıtkalardy óndirý zaýyty. Qýattylyǵy 3 mln sharshy metr (ınvestıtsııa kólemi - 7 mlrd teńge, 250 jumys orny);

- «Bolashak Electric» jaýapkershiligi shekteýli seriktestiginiń jabyq vakýýmdy ajyratqyshtar men mıkro-protsessorlyq júıelerdi óndirý zaýyty (ınvestıtsııa kólemi – 3 mlrd teńge, 100 jumys orny);

- «Valtherm» jaýapkershiligi shekteýli seriktestiginiń radıatorlar óndirý zaýyty (ınvestıtsııa kólemi – 3,6 mlrd. teńge, 100 jumys orny);

- «SG Brick» jaýapkershiligi shekteýli seriktestiginiń elimizdegi eń iri kirpish zaýyty. Qýattylyǵy jylyna 100 mln kirpish (ınvestıtsııalar kólemi –11,2 mlrd teńge, 50 jumys orny).

«Іshki naryqty otandyq óndiristiń neǵurlym suranysqa ıe qurylys taýarlarymen (sanfaıans, lamınattalǵan jabyn, shyny maqta, qysh taqtaısha, bólmearalyq esik, jylý oqshaýlaǵysh materıaldar) qamtamasyz etý jumystary jalǵasady. «Samruk-Kazyna Construction» aktsıonerlik qoǵamymen birlesip jalpy somasy 601,3 mlrd teńgege 35 ımportty almastyratyn jobany iske asyryp, 8 616 jańa jumys ornyn ashý josparlanýda», - dedi B. Atamqulov.

Onyń aıtýynsha, sanfaıans, keramıka plıtka, mıneraldyq jylytqysh, aǵash-jońqa taqtasy sııaqty otandyq qurylys taýarlarymen qamtamasyz etý boıynsha jańa óndiristerdi ashý kózdelip otyr.

«Bul jobalardy iske qosý ishki naryqtaǵy ımport úlesin shamamen 60 paıyzǵa tómendetedi jáne qurylys materıaldary baǵasynyń aýytqýyn boldyrmaıdy. Jańa jobalardy iske qosý 2025 jylǵa qaraı ónimniń 10-nan astam túri boıynsha ortasha jyldyq qajettilikti 700 mln AQSh dollary kóleminde óteýge múmkindik beredi. Taýar pozıtsııalary boıynsha – temir beton buıymdary, beton, qurǵaq qospa, lak boıaý, kirpish, shyny, kabel, aǵash-jońqa taqtalary jáne qasbettik taqtalar boıynsha ishki naryq suranysyn 100% jabý josparlanýda», - dedi vedomstvo basshysy.

Sonymen qatar, ishki naryqtyń 50% astamy ımportqa táýeldi qurylys materıaldary - alıýmınıı radıator, polıetılen qubyr, shatyr materıaldary, radıator, metall jabyndar, esik bloktary, keramıka plıtka, sanfaıans jáne armatýra boıynsha suranysty jabý josparlanyp otyr.