Indýstrııa mınıstri Qazaqstanda Toyota zaýytyn ashý múmkindigine qatysty pikir bildirdi

ASTANA. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev otandyq avtoónerkásip naryǵyndaǵy tapshylyq jónindegi suraqqa jaýap berdi, dep habarlaıdy QazAqparat tilshisi.

«Elimizde Toyota eń tanymal brendtiń biri ekeni belgili. Bizdiń óndirýshiler tıisti kelissózderdi júrgizip jatyr, sebebi bıznes arasynda osyndaı protsester júretini túsinikti. Memlekettik organdarmen bıznes-korporatsııalar bul máselelerdi talqylamaıdy. Bul turǵyda qarajat salý, ókilettik, kólikti ótkizý naryǵyn qamtý sııaqty taqyryptar pysyqtalady. Sondyqtan kelissózder júrip jatyr. Degenmen, bul bastamany naqty júzege asyrý múmkindigi týraly eshteńe aıta almaımyn. Eger Toyota óndirisi bizde ashylyp jatsa, bul elimizdegi eń tabysty jobalardyń biri bolar edi», - dedi dedi Q. Óskenbaev Ortalyq kommýnıkatsııalar qyzmetindegi baspasóz máslıhatynda.

Jaqynda buqaralyq aqparat quraldarynda Toyota Reseıdegi zaýytyn jabatyny týraly málimet tarady. Bul sheshimge atalǵan eldegi jaǵdaı áser etip otyr. Osynyń saldarynan kompanııa Reseıdegi zaýatqa bólshekterdi jetkizýde qıyndyqtarǵa tap bolǵan.

Foto: gov.kz