ІnDriver Qazaqstanda qandaı jobalardy júzege asyrady

ASTANA. QazAqparat - ІnDriver kompanııasynyń negizin qalaýshy Arsen Tomskıı Qasym-Jomart Toqaevqa Qazaqstandaǵy kólik qyzmeti salasyndaǵy eń tanymal mobıldi qosymshalardyń biri - inDriver-diń qyzmetin damytý perspektıvalary týraly aıtty, dep habarlaıdy QazAqparat.

Kompanııa basshysynyń aıtýynsha, Astana men Almatyda eki keńse ashylǵan. Sonymen qatar inDriver Astana Hub rezıdenti atandy.

Arsen Tomskıı Spark tsıfrlyq ýnıversıtetin qurý jáne jastardy qoldaýǵa baǵyttalǵan birqatar kommertsııalyq emes jobany júzege asyrý josparyn jetkizdi.

Aıta keteıik, buǵan deıin Qasym-Jomart Toqaev pen Samsung Electronics kompanııasynyń korporatıvti prezıdenti In Iong Rı IT mamandardy daıarlaý, birlesken ǵylymı-zertteý jumystaryn júrgizý jáne ǵylym salasynda yntymaqtastyq ornatý múmkindikterin qarastyrǵan edi.

Eske sala keteıik, búgin Qasym-Jomart Toqaev «Digital Bridge» halyqaralyq tehnologııalyq forýmyna qatysty.

Іs-sharada Premer-Mınıstr, memlekettik organdardyń, bıznes-qurylymdardyń jetekshileri, otandyq jáne halyqaralyq sarapshylar boldy.

Memleket basshysy Qasym-Jomart Toqaev Qazaqstannyń jańa tehnologııalar salasynda jetekshi oıynshyǵa aınalý nıeti bar ekenin jetkizdi.

«Qazaqstan jańa tehnologııalar, krıptoekojúıe, sonymen qatar retteletin jáne ashyq tsıfrlyq maınıng salalaryndaǵy jetekshi oıynshyǵa aınalýǵa nıetti», - dedi QR Prezıdenti «Digital Bridge 2022» halyqaralyq tehnologııalyq forýmy barysynda.

Foto: t.me/bort_01