Indorhokkeıden Qazaqstan erler quramasy Iranǵa ese jiberdi

<p>ASTANA. KAZINFORM - Taldyqorǵan qalasynda ótip jatqan ındorhokkeıden Azııa kýbogy pleı-off satysynda Qazaqstan erler quramasy Irannan jeńilip qaldy.</p>

Qazaqstandyq hokkeıshiler Iranmen şeberlik baıqasty. Oıyn barysynda el quramasy qarsylasyna 3:5 esebimen ese jiberdi.

Endi olar 24 mamyrda pleı-off satysyndaǵy taǵy bir kezdesýinde Taılandpen oınaıdy.

Al 25 mamyrda fınal men 3-oryn úshin oıyndar bolady.

Qazaqstandyq hokkeıshiler V tobynda Indonezııany 6:2, Omandy 4:0 esebimen tize búktirse, Malaızııamen 3:3 esebimen teń oınady.

Elimizdiń erler quramasy Azııa kýbogynda 2015, 2017, 2019 jyldarda kúmis júldeger bolsa, 2014, 2022 jyldarda qola medalǵa qol sozdy.

Eske salsaq, budan buryn ındorhokkeıden Azııa kýbogynda Qazaqstan áıelder quramasy kúmis aldy.