Indorhokkeıden Azııa kýbogynda Qazaqstan erler quramasy Indonezııany jeńdi

<p>ASTANA. KAZINFORM - Jabyq ǵımarattaǵy kógaldaǵy hokkeıden (ındorhokkeı) Qazaqstan erler quramasy Azııa kýbogy toptyq kezeńindegi alǵashqy oıynynda jeńiske jetti.</p>

Azııa kýbogy 21-25 mamyr aralyǵynda Taldyqorǵan qalasynda ótkiziledi.

Qazaqstandyq hokkeıshiler V tobynda Indonezııa, Malaızııa jáne Oman quramalarymen synǵa túsedi.

Alǵashqy kezdesýinde el quramasy Indonezııany 6:2 esebimen tize búktirdi. 

Endi olar 22 mamyrda aldymen Malaızııa, odan keıin Omanmen sheberlik baıqasady. 

Al 23-24 mamyrda pleı-off satysyndaǵy oıyndar ótkizilse, 25 mamyrda fınal men 3-oryn úshin oıyndar bolady.

Eske salsaq, budan buryn ındorhokkeıden Azııa kýbogynda Qazaqstan áıelder quramasy kúmis aldy.

Elimizdiń erler quramasy Azııa kýbogynda 2015, 2017, 2019 jyldarda kúmis júldeger bolsa, 2014, 2022 jyldarda qola medalǵa qol sozdy.

Azııa kýbogy 2008 jyldan beri turaqty túrde uıymdastyrylyp keledi.