Indonezııalyqtar Abaıdyń qara sózderin óz tilinde oqı alatyn boldy

NUR-SULTAN. QazAqparat - Qazaqstannyń Elshisi Danııar Sarekenov jáne Indonezııa Respýblıkasy Ulttyq kitaphanasy dırektorynyń orynbasary Voro Harıantı Indonezııa Ulttyq kitaphanasynyń ǵımaratynda Abaı Qunanbaıuly atyndaǵy qazaq ádebıetiniń jınaǵyn saltanatty túrde ashty, dep habarlaıdy QR SІM baspasóz qyzmeti.

Іs-shara uly qazaq fılosofy men aǵartýshysynyń 175 jyldyq mereıtoıyna oraı ótti.

Jınaq úshin tanymal balılyq aǵash kesýshi Vaıan Mýdan Abaıdyń bıýstin jasaǵan.

Bul jolǵy jınaqtyń ereksheligi - alǵash ret Abaıdyń eń mańyzdy shyǵarmalarynyń biri «Qara sózderi» ındonezııalyq tilge aýdaryldy.

V. Harıantı qazaq ádebıeti jınaǵynyń ashylýymen jáne Uly aqynnyń týǵanyna 175 jyl tolýymen quttyqtap, Abaıdyń esimi búkil álemge onyń dana sózderi men rýhanı murasynyń arqasynda belgili ekenin atap ótti. Onyń pikirinshe, Abaı atyndaǵy Qazaq kollektsııasy, sondaı-aq «Qara sózderdiń» aýdarmasy ındonezııalyq oqyrmandarǵa qazaq halqynyń mádenıetimen jaqynyraq tanysýǵa jáne álemniń ádemi elderiniń biri - Qazaqstan týraly kóbirek bilýge kómektesedi dedi.

Taraptar ulttyq kitaphanalar jelisi boıynsha yntymaqtastyqty jalǵastyrýǵa, sondaı-aq mádenı baılanystardy nyǵaıtýǵa kelisti.