Indonezııalyq mýzykant «Daıdıdaý» ánin kóne aspapta oryndady
2017 jyly Dimash Indonesia Dears fan-klýby barlyq ındonezııalyq jankúıerdiń rızashylyǵyn bildirý úshin Dımashqa sasando aspabyn syıǵa berýdi sheshken. Solaı, ındonezııalyq fan-klýb sasandoda kásibı jáne sheber oıynaıtyn Natalıno Mellamen baılanys ornatqan. N.Mellamen jasaǵan mýzykalyq qural 2021 jylǵy 26 mamyrda Nur-Sultan qalasynda ornalasqan Indonezııa Elshiliginde Dımashqa syıǵa tartý etildi.
Málim bolǵandaı, sasandony Qazaqstanǵa jiberý úshin ındonezııalyq fan-klýb 4 jyl boıy birneshe ret áreket etken. Aqyry syılyq Indonezııa Elshiligine Dımashtyń kelýine bir kún qalǵanda jetkizilgen.
«Al 17 maýsymda ındonezııalyq fan-klýb Natalıno Melladan kútpegen habarlama aldy. Onda aty ańyzǵa aınalǵan «Daıdıdaý» ánine túsirilgen vıdeo qosa jiberilgen. Dımashtyń barlyq jankúıerleri úshin súıikti án olardyń dástúrli mýzykalyq aspabynda shyrqalǵanyn estý Dears-qa úlken mártebe boldy», - delingen saıtta.
Sasando – Indonezııanyń Rotı aralynan shyqqan dástúrli mýzykalyq aspap. Ol bambýk tútiginen jasalǵan. Onyń ishekteri arfadaǵydaı saýsaqpen shertiledi. Sasandonyń kóptegen túrleri bar, olardyń árqaısysy qolmen jasalǵan jáne ózinshe erekshelenedi.
«Dımashqa syıǵa tartylǵan sasando 45 ishekti jáne onyń arnaıy tuǵyry bar. Sondaı-aq, oǵan osy aspapta oınaý boıynsha oqý quraly tabys etildi», - delingen aqparatta.