Indonezııadaǵy jer silkinisi qurbandarynyń sany 160-tan asty

ASTANA. QazAqparat – Indonezııanyń ıAva aralyndaǵy jer silkinisinen kem degende 162 adam qaza taýyp, júzdegen adam zardap shekti. Bul týraly aımaq gýbernatory Rıdýan Kamıl málim etti, dep habarlaıdy QazAqparat VVS agenttigine silteme jasap.

AQSh Geologııalyq qyzmetiniń málimetteri boıynsha, jer silkinisiniń magnıtýdasy – 5,6. Onyń epıtsentri araldyń batys bóligindegi Chıandjýr qalasynda 10 km tereńdikte ornalasqan.

Kóptegen adam aýrýhanaǵa jatqyzyldy, dárigerler kóbine kóshede kómek kórsetýge májbúr bolyp otyr. Qutqarýshylar úıindilerdiń astynan adamdardy izdep jatyr.

Jer silkinisi bolǵan jerde halyq tyǵyz qonystanǵan, úıler nashar salynǵan, olar qoqys úıindilerine aınalǵan.

Sondaı-aq Batys ıAva gýbernatory Rıdýan Kamıl 326-dan astam adam jaraqat alǵanyn málimdedi.

Onyń aıtýynsha, jaralanǵandar men qaza tapqandar sany artýy múmkin, óıtkeni apat aımaǵynda, onyń shalǵaı bólikterinde áli de kóptegen adam bar.

Sondaı-aq, gýbernator 13 myńnan astam adam óz úılerinen ketýge májbúr bolǵanyn jáne 2 myńnan astam úı búlingenin aıtty.

Buǵan deıin dúısenbi kúni bolǵan Indonezııadaǵy jer silkinisinen 46 adam kóz jumyp, júzdegen adam jaraqat alǵanyn habarlaǵan edik.

Foto: www.bbc.com