Indonezııada joıqyn jer silkinisinen 19 adam mert boldy

DJAKARTA. QazAqparat - Indonezııanyń Lombok aralynda bolǵan joıqyn jer silkinisinen keminde 19 adam mert boldy, dep habarlaıdy France-Presse agenttigi.

Eýropa-Jerorta teńizi seısmologııalyq ortalyǵynyń málimetinshe, Indonezııanyń Lombok aralynda terbelisi 6,6 baldyq zilzala boldy. Jer dúmpýiniń oshaǵy Mataram qalasynan (319 myń turǵyny bar) soltústik-shyǵysqa qaraı 49 shaqyrymda tirkeldi. Ol 10 shaqyrym tereńdikte bolǵan.