Indonezııada jer silkinip, tórt adam qaza tapty

ASTANA. QazAqparat – Indonezııanyń shyǵysyndaǵy Papýa provıntsııasynda beısenbi kúni bolǵan 5,4 baldyq jer silkinisinen tórt adam qaza taýyp, birneshe úı men ǵımarat qırady.

Bul týraly jergilikti Tabıǵı apatpen kúres jáne onyń saldaryn joıý jónindegi agenttiktiń jedel basqarý ortalyǵynyń basshysy Djonatan Koırevoa málimdedi, dep habarlaıdy QazAqparat Sınhýa aqparat agenttigine silteme jasap.

«Jerasty dúmpýler qatty sezildi. Olar úılerdi, meıramhana jáne basqa da ǵımarattardy zaqymdady», - dedi ol telefon arqyly Sınhýa agenttigine.

Eldiń meteorologııa, klımatologııa jáne geofızıka agenttiginiń málimetinshe, jer silkinisi jergilikti ýaqyt boıynsha saǵat 13:28-de bolǵan, onyń epıtsenti Djaıapýra provıntsııasynyń ákimshilik ortalyǵynan ońtústik-batysqa qaraı 1 shaqyrym jerde, oshaǵy 10 shaqyrym tereńdikte bolǵan.

Foto: AFP