Indonezııada zaýytta jarylys bolyp, 13 adam mert boldy

<p>Indonezııanyń Sýlavesı aralyndaǵy nıkel zaýytynda bolǵan jarylys saldarynan kem degende 13 jumysshy qaza taýyp, ondaǵan adam jaraqat aldy. <a href="Kazinform" target="_blank" rel="noopener">Kazinform </a>agenttigi bul týraly <a href="https://www.bbc.com/news/world-asia-67815453" target="_blank" rel="noopener">VVS</a>-ge silteme jasap habarlaıdy.&nbsp;</p>

Bastapqy tergeý derekterine sáıkes, jarylys jóndeý jumystary kezinde oryn alǵan. Onyń artynan taǵy birneshe jarylys boldy, sebebi jaqyn jerde ottegi ballondary kóp turdy, dep habarlady Indonesia Morowali Industrial Park (IMIP) ókili.

Jalyn birneshe saǵattan soń sóndirildi. Jarylys saldarynan 8 ındonezııalyq jáne 5 qytaılyq azamat kóz jumdy.

Aýdan basshysy mindetin atqarýshy Rahmansııa Ismaıldyń jergilikti BAQ-qa habarlaýynsha, jaraqat alǵandardyń jartysyna jýyǵy – sheteldik jumysshylar, olardyń kem degende 17-si aýyr jaraqat alǵan.

Kompanııa zardap shekkenderdi emdeý shyǵyndaryn ózi óteıtinin málim etti.

IMIP – tot baspaıtyn jáne kómirtekti bolat óndiretin qytaılyq kompanııanyń nıkel kásiporny.
Bıyl nıkel zaýytynda dál osy ónerkásip parkinde narazylyq sharasy kezinde qytaılyq jáne ındonezııalyq jumyskerler kóz jumǵan.

Sondaı-aq zaýytta birneshe aı buryn bolǵan órt kezinde bir jumysshy qaza taýyp, taǵy altaýy jaraqat alǵan.