Indonezııada Semerý janartaýy atqylady

ASTANA. TASS-QazAqparat – Jeksenbide Indonezııanyń Shyǵys ıAva provıntsııasynda (ıAva araly) Semerý janartaýy atqylady. Bul týraly Indonezııanyń tabıǵı apattardyń saldaryn joıý jónindegi ulttyq agenttigi málim etti, dep habarlaıdy QazAqparat TASS agenttigine silteme jasap.

Janartaý kúl men tútin baǵanasyn 1,5 myń metr bıiktikke laqtyryp jibergen. Janartaýǵa 5 shaqyrymnan jaqyn qashyqtyqqa jaqyndaýǵa tyıym salynady. Atqylaýdyń qandaı da bir saldary týraly aqparat joq.

Sonymen qatar, Japonııanyń ulttyq meteorologııalyq basqarmasy qazirgi ýaqytta tsýnamıdiń paıda bolý qaýpine baılanysty alynǵan málimetterdi zerttep jatqany týraly eskertý jasady. Eger tsýnamı bolsa, onda tolqyndar Ońtústik Okınava prefektýrasyndaǵy shetki araldarǵa jetýi múmkin.

Semerý janartaýy dál bir jyl buryn 4 jeltoqsanda atqylaǵan bolatyn. Saldarynan 50-den astam adam kóz jumdy. Semerý – ıAva aralyndaǵy eń bıik shyń. Indonezııa aýmaǵynda 130-ǵa jýyq belsendi janartaý bar.

Foto: ria.ru