Indonezııa: Sýmatra jaǵalaýynda 6,5 baldyq jer silkinisi boldy

ASTANA. QazAqparat - Indonezııadaǵy Sýmatra aralynyń jaǵalaýynda 6,5 baldyq jer silkinisi boldy, dep habarlaıdy amerıkandyq seısmologtardyń málimetterine silteme jasap Bı-bı-sı.

Birinshi jerasty dúmpýlerinen keıin adamdardyń záresi ushyp, úılerinen syrtqa júgirip shyqqan, abyroı bolǵanda zilzala saldarynan qaza  tapqandar joq, ǵımarattar qıraǵan oqıǵa tirkelmedi.

Jer silkinisi kezinde jaǵalaýdaǵy keıbir aýdandar jaryqsyz qalǵan, biraq ol kóp uzamaı tolyq qalpyna keltirildi.

Jer silkinisiniń oshaǵy Padang kemejaı qalasynan shamamen 140 km jerde ornalasqan, al onyń oshaǵy 50 shaqyrymǵa jýyq tereńdikte boldy.

Jer silkinisine baılanysty tsýnamı qaýpi jarııalanǵan joq.