Nýsantaranyń saıası astana mártebesine tolyq sáıkes bolýy úshin qalada zań shyǵarýshy jáne sot organdaryn ornalastyrýǵa arnalǵan keshender salynyp jatyr.
– Eger tek prezıdent rezıdentsııasy ǵana bolyp, zań shyǵarýshy jáne sot mekemeleri bolmasa, úkimet tıimdi jumys isteı ala ma?, – dedi ákimshilik basshysy.
Astanany kóshirý týraly sheshimdi Indonezııanyń burynǵy prezıdenti Djoko Vıdodo qabyldaǵan bolatyn. Bastapqyda jańa qalany 2024 jylǵa deıin aıaqtaý josparlanǵan, alaıda COVID-19 pandemııasy jobany júzege asyrý merzimin keshiktirdi. Qazirgi prezıdent Prabovo Sýbıanto bul jobany aıaqtaýǵa nıetti ekenin rastady.
Astanany kóshirýdiń basty sebebi – Djakartanyń shamadan tys tyǵyzdyǵy: qalada árbir sharshy shaqyrymǵa 15 700-den astam adam tıesili. Jańa astanany salýǵa 32 mıllıard AQSh dollarynan astam ınvestıtsııa qajet.
Eske sala keteıik, buǵan deıin Indonezııadaǵy jer silkinisinen ondaǵan adam zardap shekkenin jazǵan edik.