Indıan-Ýells týrnıri: Rybakına men Býblıktiń qarsylastary anyqtaldy

<p>ASTANA. KAZINFORM &mdash; Indıan-Ýells (AQSh) týrnırinde Qazaqstannyń birinshi raketkalary Elena Rybakına men Aleksandr Býblıktiń qarsylastary anyqtaldy. Reıtıngileri joǵary bolǵandyqtan, qos tennısshi de jarysty ekinshi aınalymnan bastaıdy.&nbsp;</p>

Indıan-Ýells WTA 1000 dodasynyń ótken jylǵy chempıony, bıylǵy 4-raketkasy E.Rybakına alǵashqy kezdesýin reıtıngide 84-oryndaǵy argentınalyq Nadıa Podoroskamen ótkizedi. Argentınalyq oıynshy birinshi matchynda amerıkalyq, álemniń 71-raketkasy Eshlın Krıýgerdi jarys jolynan taıdyrdy – 3:6, 6:3, 6:3. 

Indıan-Ýells masters týrnıriniń 20-raketkasy bolyp tirkelgen Býblık ekinshi aınalymda reıtıngide 139-satyda turǵan, 19 jastaǵy Tszıýnchen Shanmen sheberlik baıqasady. Qytaılyq tennısshi kútpegen jerden álemniń 33-raketkasy, aýstralııalyq Djordan Tompsondy jeńip ketti – 6:2, 6:3.

Sondaı-aq jarysty Aleksandr Shevchenko men ıÝlııa Pýtıntseva da jalǵastyrýda.

Eske sala keteıik, budan buryn Gózal Aınıtdınovanyń Qaraǵandydaǵy ITF jarysynyń jartylaı fınalyna ótkenin jazǵan bolatynbyz.

Sondaı-aq Dmıtrıı Popko Brazılııadaǵy týrnırdiń shırek fınalyna joldama aldy.