India Today Qazaqstandy saıahattaýǵa jańa baǵyt retinde kórsetip, týrısterdi osynda shaqyrdy

<p>ASTANA. KAZINFORM &mdash; 2024 jyly álem uzaqqa sozylǵan pandemııadan keıin qaıta ashylǵan kezde úndistandyq saıahatshylar ártúrli jáne este qalarlyq oryndardy izdeı bastady. Kóptegen baǵyttar arasynda Qazaqstan baı mádenı murasy men tamasha tabıǵı landshaftymen erekshelenip otyr.&nbsp;</p>

Bul jaıynda Úndistanda jańalyqtar, taldaý men pikirdiń jetekshi kózi sanalatyn tanymal India Today jýrnalynda atalyp ótti.

Shamamen 8 mln dana taralymy bar India Today Úndistan aqparat keńistiginde mańyzdy ról atqarady.

Maqalada Qazaqstannyń eń úlken qalasy Almatyǵa erekshe nazar aýdarylady.

Ol 2024 jyly qalalyq ómir men tańǵajaıyp tabıǵı landshaftyń minsiz úılesimi arqyly úndistandyq týrısterdiń nazaryn aýdarady.

Voznesenskıı kafedraldy sobory jáne Ortalyq memlekettik mýzeıi sııaqty tarıhı eskertkishterimen belgili Tıan-Shan taýlarynyń eteginde ornalasqan qala aımaqtyń baı tarıhy men mádenıetinen syr shertedi.

Tanymal Kók bazar men Úlken Almaty kóli saıahatshylarǵa jergilikti atmosferany sezinýge jáne tabıǵat sulýlyǵynan lázzat alýǵa múmkindik beredi.

Qazaqstandyq qonaqjaılyqtyń kórinisi retinde Almaty tek saıahat qana emes, sonymen qatar kóne tarıhtyń lebinen bastap biregeı landshafty tamashalaýǵa deıin kez kelgen adamnyń ózine qajet bir nárse taba alatyn álemdi ashýǵa múmkindik beredi.

Qazaqstan 2024 jyly qyzyǵýshylyq pen jańalyqqa qushtar jandar úshin minsiz oryn retinde tanylyp, zertteý úshin baı múmkindikter usynbaq.

Maqalada 2024 jyly Úndistannan keletin týrısterge Almatyny basty baǵyt retinde alǵa tartý arqyly onyń basqa tanymal demalys oryndarynyń arasynda — Indonezııa, Vetnam, Taıland, Japonııa, Frantsııa, Maldıv jáne Seıshel araldary sııaqty tanymal jerlerge qaraǵanda erekshe mártebesi bar ekenin atap kórsetedi.

Bul Almatynyń saıahattaıtyn tańdaýly oryndar tiziminde kóshbasshylyq pozıtsııaǵa ıe ekenin aıqyndaıdy.

India Today basylymyndaǵy jarııalanym úndistandyq saıahatshylardyń Qazaqstanǵa degen qyzyǵýshylyǵynyń ósip kele jatqanyn ǵana emes, sonymen qatar halyqtar arasyndaǵy mádenı almasý men ózara túsinistiktiń mańyzyn eske salady.

Pandemııadan keıin saıahatqa qaıta oralý — elder men mádenıetter arasyndaǵy baılanysty qalpyna keltirý jáne zertteý úshin jańa kókjıekti ashý qadamy.