Іndet kezinde kúızeliske túspeýdiń joly qandaı: psıhologtar keńesi

NUR-SULTAN. QazAqparat - Іndet - bul adam úshin úshin kúrdeli synaq. Ásirese, únemi kúızelis pen alańdaýshylyq kezinde kóńil-kúıge salmaq salatyny bar. Osy rette elordalyq psıhologtar karantın jáne oqshaýlaný kezinde óz rýhanı kúıińiz ben ishki sezimińizdi qalaı saqtaý kerektigi jóninde keńes berdi, dep habarlaıdy QazAqparat tilshisi.

«Mundaı jaǵdaıda adamǵa óziniń kóńil-kúıin baqylaýda ustaý qıyn bolyp jatady. Degenmen, ony basqarýdy úırený jáne pozıtıvti arnaǵa túse bilý óte mańyzdy. Muny úırenip alǵan adam óziniń kóńil-kúıi men densaýlyǵyn jaqsarta almaq», - dedi elordadaǵy №9 emhananyń psıhology Taıss Dýkvagaeva.

Psıhologtar aqparat kózderin súzgiden ótkizip, sońǵy aqparattardy tek resmı memlekettik organdardan alýǵa keńes beredi. Bul rette aqparattar aǵynyna boı aldyryp ketpeı, jańalyqtardan, áleýmettik jeliden nazardy basqa jaqqa aýdarǵan jón. Óz ómiriń, qýanyshty sátteriń jaıly oılaný kerek.

«Ýaqytyńyzdy otbasyńyzben ótkizip, jaqyndaryńyzben áńgimelesińder. Ádebı kitap oqýǵa da kóńil bólgen durys. Súıikti fılmderińizdi kórińizder. Súıikti mýzykańyzdy qosyp, kóterińki kóńil-kúımen úı sharýasymen aınalysyńyzdar», - dep keńes beredi mamandar.

Kúızelisten arylý úshin tańerteń azdap júgirip, tynys alý jattyǵýlaryn jasaý da mańyzdy. Kúndelik júrgizip, oǵan ózińniń oıyńdy, qýanyshyń men renishińdi túrtip otyrý da shabyttanýdyń jaqsy tásili sanalady.

«Naqty fakti boıynsha «dál qazir ári osy jerde« ne bolyp jatqanyna nazar aýdaryp, aldaǵy ýaqytqa alańdaýshylyq tanytpańyz. Buqara arasynda, áleýmettik jelide tarap júrgen ósek-aıańǵa esh ýaqytta senbeńiz. Adamdardyń pikirlerine de erip ketpeý qajet. Eger siz aqyl-oıyńyzdy taza saqtap qala alsańyz, onda urysta jartylaı jeńiske jettińiz degen sóz», - dedi Taıss Dýkvagaeva.