Іndet kezinde halyq ıgi isterdiń janynan tabyldy – Aıda Balaeva

NUR-SULTAN. QazAqparat – Kez kelgen uly is, kishkentaı qadamdardan bastalady. Eń bastysy – birinshi qadamdy jasaý. Búgin «Qaıyrymdy ister marafonynyń» bastalýyna arnalǵan is-sharada Aqparat jáne qoǵamdyq damý mınıstri Aıda Balaeva osylaı aıtty, dep habarlaıdy QazAqparat tilshisi.

«Búgin aıtylǵan barlyq ıgi bastamalardy óńirlerdiń ary qaraı jalǵastyrýy mańyzdy. Іndet kezinde el halqynyń jaqsy ıgi isterdiń janynan tabylatyny aıqyn kórindi. Bizdiń úlken ult retinde qalyptasqanymyzdy kórsetti. Táýelsizdiktiń eń basty qundylyǵy da, basty maqsaty da osy shyǵar. Sondyqtan indet kezinde halqymyz óziniń boıyndaǵy keremet qasıtetterdi tanyta aldy. Osy oraıda bir-birimizge degen qamqorlyqty, qaıyrymdylyqty, sondaı-aq eń bastysy, birlese jumys isteýdi úlken jaqsy jolǵa qoıdyq», - dedi mınıstr «Qaıyrymdy ister marafonynyń» bastalýyna arnalǵan is-sharada.

Bul turǵyda ol Aqparat jáne qoǵamdyq damý mınıstrligi qoǵamdyq ınstıtýttarymen tyǵyz qarym-qatynasta jumys isteýge daıyn ekenin atap ótti.

«Jalpy ıgi is-sharalardyń basynda birge bolaıyq. Bıyl da «Biz birgemiz» uranyn ary qaraı jalǵastyryp, birge jumys isteıik. 2020 jyl tıisti nátıjelerdi kórsetti ǵoı, volonterlik uıymdardyń sany artty. Bul turǵyda ár baǵytta eriktiler óz jumysyn kórsete aldy. Sondyqtan búgingi is-sharanyń baǵyttary keńeıedi dep senemin. Osy oraıda jańa tulǵalardy kóremiz dep senemin», - dedi A. Balaeva.

Budan buryn habarlanǵandaı, búgin elordada donorlar men metsenattardyń qatysýymen «Qaıyrymdy ister marafony» bastaldy.

Aıta keteıik, «Qaıyrymdy ister marafony» bastamasyn Memleket basshysy Qasym-Jomart Toqaev kótergen bolatyn.